melody 60秒旅晨-重慶武隆5A景點
黎重慶市區3個小時車程既武隆，重點旅遊景點莫過於天坑地縫尼兩處。先介紹下何謂天坑？
武隆天坑的天生三橋，是罕见既地质奇观生态型旅游区，景区以天龙桥、青龙桥、黑龙桥三座气势磅礴的石拱桥聞名於世，属亚洲最大的天生桥群，即係天然景象形成拱橋既山脈，就好似一座山被貫穿形成一個n字型，所以被稱為天生三桥。这三座桥的高度都係200公尺以上。2007年，获中國国家5A级旅游区殊荣。
想要睇靚景就需要考考你既腳骨力！由山上既入口步行到達山腳既觀景區大約需要半小時既樓梯步行，涼爽既天氣其實唔會幸苦，畢竟係落山樓梯而唔係上山。
抵達第一個就係天龍橋！235公尺既石拱橋，非常有氣勢，由底望上既震撼非文字能形容！感受到大自然既奧秘！過左天龍橋就會見到最多人打卡既景點-天福宮驛
重慶武隆的天福宮驛
重慶武隆既天生三硚景区因罕见的地形自然景观被名导张艺谋相中，成為電影《满城尽带黄金甲》的唯一外景拍摄地。而一座四合院建築物“天福官驛”也稱「天福驛站」，就在天生三橋景區內天龍橋附近的坑底，成為打卡聖地！其實我當初選擇黎武隆一日遊都係為左親眼睇尼個景點！
2005年張藝謀拍《滿城盡帶黃金甲》時揀場景發現了武隆天坑和天福官驛，尼個驛站建於唐武德二年（619年），是一座青瓦灰牆的古色古香的四合院，當然，依家尼座四合院驛站其實係張藝謀耗資千萬修復重建的。當時既所謂驛站就是古代官方信息傳遞的重要轉站點，所以電影至會有刺客出現既畫面！四合院既木材全部由俄羅斯運進來，頂級既木材至能忍受長年濕氣籠罩免受破壞，所以修復工程至價值不菲！
雖然尼個四合院既天福宮驛好值得參觀，但如果想要拍下整個四合院的全景，必須要再往前走有上山的台階，上面可以俯瞰天福官驛，是打卡拍攝的最佳位置，由高處俯瞰真系好唔真實！成個四合院就被翠綠既山脈圍繞著，點影都震撼。
好啦，另一個打卡位就係行過小小既變形金剛恐龍！因為transformers4都有係尼度取景，所以就建造左一個超迷你版既變形金剛恐龍係度俾遊客影相，講真，相睇到好威猛咁，實際就真系好似擺左舊玩具係深山中央，我係咁意影張相留念就算。
重慶武隆的天坑靚景
武隆既天生三橋逗留最長時間都莫過於天龍橋，因為有特色既四合院“天福宮驛”關係。越過驛站後，便是落差約281公尺的青龍橋，磅礡登場，它是生三橋中高度最高的一座，之後就會再見到最後一個黑龍橋，一路就係往出口處，不過都係要步行2公里左右。尼一路上既景色仍然好靚好舒服，小溪流水亦匯聚成湖，翠綠既四周配上藍色既碧水湖泊真系望多對眼都精靈d！其實成個天坑或天生三橋既行程只得兩粒鐘，但其實我覺得如果再多粒鐘慢慢睇就perfect啦～～
特別有兩樣嘢可以留意：
1:尼度兩處有廁所，一處係變形金剛恐龍附近，而另一處就係接近出口至有！好乾淨
2:出口之後要到達巴士集合處你可以選擇30人民幣一個人搭buggy車仔，如果唔係就要步行大斜坡20分鐘左右！
看完天生三橋以後，接著前往龍水峽地縫；又被稱為「一線天」的地縫，地缝景区离天坑大约需要20多分钟的车程，地缝谷深200-500米，主要游览在谷底。
地缝主要由山上入口行一小段路大概5分鐘，抵達一個電梯口！乘搭跨越100米高低既電梯直落山腳，山腳既位置至係真正進入地縫觀景既起點！跨越蛟龙寒窟、九滩十八潭，一路上无数高高低低的台阶（好在同样多数是向下行），沿山开辟出的、让人几乎无法直腰的、湿滑的人行栈道，头顶上會有不断落下的山水，但一路景色會令你覺得值回票價！越過險峻既中段地縫之後就到達银河飞瀑，而銀河飛瀑係主要景點，80米高既瀑布由山上直衝入地縫何其壯觀！尤其可以穿梭瀑布後方最為特別！之後就再行多1公里左右就完成成個地縫參觀啦！
成個地縫既參觀過程大約個半鐘，時間大約5pm就要天黑啦！我地亦都完成武隆天坑地縫一日遊番去重慶市區，相信我，你之後既晚餐會好大食！
ps：一直看景色才发现拍很少照片噢！现场肉眼看是舒服的震撼感。
Search